Është rihapur qarkullimi i automjeteve në rrugën e Arbrit pas më shumë se 3 orësh bllokim, si pasojë e reshjeve të borës.
Mësohet se qarkullimi i mjeteve po vijon normalisht dhe se nuk ka asnjë të bllokuar.
Nga ana tjetër, autoritet i bëjnë thirrje drejtuesve të mjeteve që të tregojnë kujdes mos të kryejnë manovra të rrezikshme në rrugë.
Njoftimi i policisë:
Rihapet për qarkullimin e automjeteve aksi rrugor bypass-Qafë Murrizë-Klos, e cila u bllokua për shkak të reshjeve të dëborës.
Qarkullimi i mjeteve ka vijuar normalisht dhe nuk ka mjete të bllokuara.
Shërbimet e Policisë Rrugore janë në gadishmëri të plotë për menaxhimin e trafikut dhe apelojnë për drejtuesit e mjeteve të tregojnë kujdes të shtuar gjatë drejtimit të mjetit dhe mos të kryejnë manovra të rrezikshme në rrugë.
